U Montri Rangbah ka jylla, u Conrad Sangma ynne hawa e khublei u ya ki paidbah da ong u wa ka samoi Christmas ym mut ko du wow e donhi tangwa u e khublei leh ya iwa da yoh waroh chi snem.
Da ong u wa hanla i yakhun pyrchah ya ka khlam COVID-19 ympu kut ko tangwa i kyrkhu wa wan toh ha i dur yong ki dawai tika.
U Conrad da chim u leh ya ka kabu wow e khublei ya ki Scientist, ki bru chemphang wa da pynyoh ya i dawai tika kamjooh leh ya kiwa em haphrang dooh wow yarap yakhun pyrchah ya kani ka kjut khlam deiwa kyntu ya ki paidbah wow wan chaphrang wow chim ya i tika.
Heiyatoh wa u snem thymme, u Conrad da ong u wa u 2022 toh uwa kyrpang bha neibhah wa ka jylla u dap ko 50 snem wei da kyntu u ya ki paidbah wow kreh beibynta i roi i paar wa i chongsuk ha ka jylla katwa joh i bor samen.
U Conrad da e khublei Christmas wa Snem Thymme u leh ya waroh ki paidbah hei ktien Garo wa Khasi.
