Ka BJP-East Jaiñtia Hills District da e khublei Christmas wa snem thymme ko cha waroh kiwa chong chnong yong ka District, ka jylla kamjooh leh ka ri waroh kawi.
“E wa ka lehkmen Christmas wow man ko kawa phooh wa phieñ ha ryngkat i kyrmen skem wa kani ka Christmas u wanrah ko ya i suk i kmen wa pura nadooh i chait i nang, i man khih man khan, i rap kylliang, i chaan kylliang kamjooh ka imlang sahlang wow roi u paar chirup dei kyrkhu wym kut de u Jisu Christ,” da ong u Commanderful Sana, President ka BJP-EJH deiwa pynrap wa e wa ka Christmas u pynhun ko yeiwa angnood ki para wa ngait Christan.
Kamjooh leh ka Party da e khublei snem thymme ko ya waroh heiwa da ngait skem wa u snem thymme daw man uwa biang chooh chooh na uwa rim, hei wow man u snem wa eh daw eh nasib, u man leh u snem uwa bha wa miat ha waroh ki liang.
Chooh chooh u Commanderful da booh u i kyrpaad ya waroh wow sñiawbha u lehkmen deiwa burom mar kylliang la ha ka Christmas kamjooh ha u snem thymme.
Ka Party da kyrpaad ko leh wow lehkmen katkam i rukom heiwa ymhoi u leh chawa palat la ha i rukom yah kari, rukom baam rukom dih kamjooh la ha ka rukom lai i wan neibhah i mynsien bru man iwa kordor tam.
Discussion about this post