Ka Synjuk Waheh Chnong Ri Jaiñtia da e khublei Christmas wa snem thymme ko ya ki khon ka Ri-loom Jaiñtia waroh.
“E wa ka Christmas ha uni u snem u man ko katæ ka Christmas kawa e ya i roi i paar i bha i miat, i man khih man khan wow pdiang leh ya u khon u Blai dei tip bru tip Blai, wym toh de da ki kaam sñiawsih hanla jar jiar i ngait yong i,” da ong u B. Shylla uwa man u Secretary ka synjuk.
Chooh chooh da ong u, “E wa kani ka lehkmen snem thymme u man ko deiwa suk wa kmen, u pdiang i ya u snem thymme da ki phawar Blai, yow lait nei kjut yow lait nei jynjar, yow roi yow paar hei man bru long bru, yow man khih man khan”.
Ka synjuk da kyntu ko leh ya i deilang ki khon ka Ri Jaiñtia kamjooh ya ki lok na jan na jngai kiwa wan lehkmen Christmas wa kutsnem chapoh ka Ri Jaiñtia wow man ki kiwa lait nei awri awra, u man ki kiwa ye u ri u kdup ya ka burom yong ki, wym hoi u wanrah yei sñiawsih næ pynwit ya kiwi tawon cha loom cha pdeiñ, wa i leh sñiawbha leh u man i deiwa lehkhooid wym toh u noh khiar næ leh pynsih ya ka rymaw.
Christmas wasuk wa u snem thymme wasuk wakmen ya phi waroh.
