Shillong: Ka ABVP-Meghalaya hapoh i yahkhmat ka State Secretary ka seiñ, ka Darilin Tang ynne da yachem ko ya u montri rangbah ka jylla, u Conrad K Sangma wow ekhublei ya oo wa da ye ka jylla wow khang yei poor u COVID-19 ha ka imlang sahlang namo ka Community Spread yong uni u khñiang khlam.
Ka seiñ da ong ko wa ka Meghalaya da ye sakhiat ko wow pynduna ya i ktah u COVID-19 hawa wyrchaw wa kiwi ki jylla ka ri India.
Ha kani ka sngi neiliang ka ABVP Meghalaya da ekti ko leh ya ka dorkhat ha u Conrad wa thoh ya ki buit wa ki laad wa ye u leh wow yada ya ki thaw puræ wa ki skur hadien wa kut ka Lockdown.
Kawi na kini toh wow pynlait ya ka Scholarship yong ki khynnah Secondary, Higher Secondary, Under Graduate wa kiwa puræ Post Graduate.
Neiliang u Conrad da kular u wow chimkhia yeini waroh khnang wow myntoi ki khynnah.
