Ka Dorbar Chnong Modop Nartiang da e khublei sñiawngooh ko ya u MLA ka thaaiñ uwa man leh u Montri sorkar, u Sniawbhalang Dhar wada e yarap u ya ki khon yong ka chnong da ki kymmor.
Ha kani ka sngi wa saam ya kini ki kymmor da emlang nadooh u Waheh Chnong ka Modop u Dawio Dkhar, u Chairman Chnong u H. Khynriam wa ki dkhot ka chnong, neiliang kiwa pynlai chnong da e ki i kitbok kitrwiang ya u Sniawbhalang Dhar wow nang ye chooh chooh u yarap yaki khon ka chnong kamjooh leh ya ka Constituency hi waroh kawi.
Ya kini ki kymmor da saam ha ka 24 tarik uni u bnai deiwa emlang leh u Pyndap Dkhar, Secretary NPP Unit Modop wa u Chairman NPP Unit Modop u Jubabstone Laloo.
