Jowai: Ka East Jaiñtia Hills District Football Association (EJHDFA), kawi naki seiñ hapoh ka Meghalaya Football Association (MFA) kawa da yohlaad wow pdiang yaki yalehke Meghalaya State League 2019 wa kynthup leh yaka Semi Final wa Final, da phah ko yaka khubor sñiawngooh wa i e khublei cha waroh kiwa da ya ksohkti lang neibynta wow pyndep bait pyndep ryntih ya waroh ki yalehke hapoh ka Teilang Phawa Mini Stadium, Dkhiah, East Jaintia Hills.
Da e khublei wa nyngkong dooh yaka Meghalaya Football Association, kawa da yoobiang wow pynman yaka East Jaiñtia kam kawi naki thaw wow yalehke MSL 2019.
Da e khublei wa kyrpang leh ya u Kyrmen Shylla u MLA ka thaaiñ kamjooh uwa man leh u montri sorkar, u FM Dopth Deputy Commissioner, u SS Syiemlieh, ADC uwa man leh u President ka EJHDFA, u Khroobok Passah DSO, East Jaiñtia Hills District iwa hapoh i yahkhmat kini ki soo ngut ka yalehke MSL da man ko kawa jop hapoh ka East Jaiñtia Hills.
Da e khublei leh yaka chnat sorkar ka Sports & Youth Affairs wei khamtam ya u Sports Minister u Banteidor Lyngdoh, uwa da wan kam u kongsan haka sngi yalehke Final.
Kamjooh da e khublei wa kyrpang yaka yung krehkaam DMHO East Jaiñtia Hills, u SP East Jaiñtia Hills, ka Dorbar Chnong Dkhiah West, ya u tre madan u Teilang Phawa, ka Dkhiah West Sports Club, ka Seiñkhynroo Chnong Dkhiah West, ki Volunteers wa kiwi kiwi.
Discussion about this post