Ka seiñ FKJGP East Jaintia Hills District Khliehriat ha kini ki kajiak bnai wa dadep hapoh i yahkhmat u Vice President, u W. Swer da lai yachem ko wa ki bor wa pynlai ya ka Toll Gate Plaza, Lumshnong deiwa phah dei thoh cha u Project Director, Shillong Division, National Highway Authority of India (NHAI) deiwa e por u chna pynmiat ya u surok wa sih nadooh Lumshnong ter ter chadooh Malidor deiwa e por hapoh chi bnai.
Heiyatoh wa ini, neiliang ka NHAI da chimkhia ko wow chna pynmiat ya u surok ha ki thaw wa sih ware, wei neiliang ka seiñ da sakhi ko leh yeini i chimkhia sakhiat ka NHAI, kamtæ ka seiñ da chim ko ya ka rai wow e khublei ya ka NHAI deiwa pynrap wa toh wow pyndep u pynchna ya waroh ki thaw wa sih.
Ha iwi won i liang da dawa leh wow chna bha deiwa skem ya ka yingkieñ ha Sonapur lait u jia kam ka yingkieñ Dwar Ksuid, ong ka wyrta na u General Secretary, u D.H. Sumer.
