Jowai: Ka seiñ Hynñiewtrep Student Union (HSU) da e khublei ko yaka chnat pulit ka West Jaiñtia Hills yei kreh chitom ki wow kem yaki Dalal (Agent) kiwa pynlai yaka kaam chim kabu yaki khynnah kynthai haka chnong Mihmyntdu kawa haap hapoh West Jaiñtia Hills.
Da seiñ da beiñ joor ko leh ya kini ki bru wa emkti ha kini ki kaam kiwa ym pyrkhat de ya ka burom ka akor ha i manbru du wow yoh yaka kamai spah da kani ka kaam pohjait tam kawa da pynhiar dor yaka imlang sahlang kawa ktah leh yaka burom akor yong ka jaitbru Ynñiawtrep yong i.
Neiliang ka seiñ da pynsñiaw ko leh wa ka smat ko wow ya krehlang wa ki bor ka aiñ neibynta wow pyndooh syndon ya kam kini ki kaam pohjait kiwa da sdang kha roi haka jylla yong ngi hi waroh kawi.
Chooh chooh ka seiñ da kyrpaad ko yaki bor yong ka aiñ wow pynchitom deiwa khor bha wei ym toh u e jamin ya kam kini ki jaitbru wei da kyrpaad leh ya ki pulit wow thooh chooh chooh ya kam kini ki bru.
Ini toh katkam ka khubor na u President ka seiñ u K. Rymbai.
Discussion about this post