Neiliang ka HYC Padu Unit hapoh i yahkhmat u Dikermi Mukhim kam u President da pynsñiaw u yei sñiawngooh hajrong i chimkhia u MLA ka thaaiñ u Lahkmen Rymbui uwa da pynyoh ya u Transformer ha i por wa biang.
Ka seiñ da pynsñiaw ko leh yei sñiawngooh ya u SDO ka Civil Sub Division Amlarem, u DC ka West Jaiñtia Hills wa u CMD yong ka chnat MeECL kiwa da smat wow chimkhia lyngba i thoh ka seiñ wa da phah cha ki lyngba u DC.
Kam wow pynkynmoo wa u Transformer da sih u nadooh ka 27-05-21 iwa da kthah chiboon ya ki chnong wa em ha thaaiñ Padu.
