Jowai: Ka Jaiñtia Body Building And Fitness Association (JBB&FA), kawi na ki seiñ kawa yaleh wow pynku ya ka yalehke pynmih dohksah da e khublei ko ya ki san ngut kiwa da wanrah naam ya ka jylla ha ka lympung NABBA/WFF Mr. & Ms. India 2019.
Ya kani ka lympung kawa da tip leh kam ka 7th NABBA WFF National Bodybuilding & Fitness Championship (Mr. & Ms. INDIA), da pynman ha ka 19 wa 20 tarik uni u bnai ha Gokulam Park Convention Centre, Kochi, Kerala.
Da pynman leh ya ki yakob ha kiwa boon kyrdan neibynta ki kynthai, ki chynrang wa kibru wa em i duna ha i doh i pran.
Napoh jylla Meghalaya kiwa da jop ha ki kyrdan waphær waphær yong kani ka lympung kynthup ki ya kini hawah:
Rajib Deka uwa da jop ya ka 1st place ha ka Fitness Category uwa na ka Body Zoo Gym, Shillong.
Ka Bicky Kharngapkynta kawa jop ya ka 2nd place ha ka Mom’s Fitness kawa na Body Zoo Gym, Shillong.
U Donbor Rumnong uwa da jop ya ka Overall Winner ha ka Men’s Physique uwa na ka Body Zoo Gym, Shillong.
U Pyndapbor Dkhar uwa da jop ya ka 4th Place ha ka Teenage Category- Under 18 Years uwa na ka Body Zoo Gym, Shillong.
Ka Esther Z. Tariang kawa da jop ha ka 2nd Place yong ka Bikini Model kawa na Body Zoo Gym, Shillong.
Neiliang ka JBB&FA da kitbok kitrwiang ko leh ya ka skur Body Zoo Gym, Shillong kawa da ye wow pynmih ya kam kini ki khloor yalehke ha kani ka bynta napoh ka jylla deiwa e mynsien leh ya kiwi tawon ki skur wow kreh chitom ki neibhah wa dei em kam kini ki skur daw ye u yaleh ya ki kaam wa pyrchah ya ka imlan sahlang.
Heijooh i por ka seiñ da kyrmen wei yooluti ko leh wa kini ki san ngut u wanrah naam chooh ki ya ka jylla ym du ha ki lympung wa pynman hapoh ka ri tangwa wot cha baar ri leh kamjooh wei wow man ki leh kam ka nongmuna ya kiwi tawon wow ka-it ki ya kani ka jait yalehke.
Discussion about this post