Ka Jaiñtia National Council (JNC) da e khublei ko chiboon bah ya ka DSEO, ka P. Dkhar wa da chimkhia ko wow pynmankaam yei dawa yong ka seiñ hajrong i wym biang wa sikai Science Subject ha Rymbai Government Secondary School iwa da neh thylli da boon boon bnai.
Ka seiñ hei yachem ko waka DSEO da pyntip ko wa da dep wow yoh ya ka chithi kawa da e bor wow khut yaleh kreh namo wow Advertise noh yei lait kreh.
Yei yaleh kreh u khut pynman da ka Walk In Interview ha ka 27 tarik uni u bnai ha yung krehkaam u Deputy Commissioner ka East Jaiñtia Hills District.
Ka seiñ da pynsñiaw ko yei sñiawngooh ya ka P. Dkhar wei kamjooh ya u DC, u A. Baranwal kiwa da chimkhia ya ini i kaam neibynta i bha i miat khamtam ki khynnah kani ka skur wei da wailaad ko leh u yoh kreh ya kitu kiwa thooh kreh wa em ha ka thaaiñ, da ong u Vice President ka seiñ, Ency Shadap.
Discussion about this post