Ka JSM Mynsngat Unit da pyntip ko wa ynnin ka sngi heipor 5 waje i janmiet da yoh wow chem ya kawi ka khynnah kynthai kawa wiar nadooh ka 27-11-20 kawa chong wa sah ha chnong Mynsngat, West Jaiñtia Hills.
Kani ka khynnah toh kawa dang 14 snem i rta wei da wiar ko nadooh i por 10 waje i step na yung wa sah ko heiwa ka seiñ mar ya tip ko ya ini, hei yahkhmat u Ajidius Satien da lai hiar ki cha yung kani ka khynnah yow kylli takit bniah hajrong ini heiwa neiliang ka bei kani ka khynnah da pyntip ko wa ym tip ko cheiwon wiar ka khon ko wei neidaw wym em chait bha ko, ka leh ym tipsap de ko kammon wow thooh yaka khon.
Neiliang ka seiñ da pyntip ko cha ki pulit wei deiwa kreh chitom ki pulit da yoh ki wow chem ya kani ka khynnah deilang wa lok ko naka chnong Ummulong heipor kamwa 5 waje i janmiet heipor wa dang mut ki wow lai cha Shillong.
Ka takit dang lai ko chakhmat wei neiliang ka JSM Mynsngat Unit da e khublei ko ya u In-charge ka Nartiang Police Station, u In-charge ka Ummulong Out Post wa ya ka I. Kharpran I/C AHTU.
Ka kyrwoh wa da phah da u Phresmi Suting, President ka Mynsngat Unit.
