E khublei ka JSU wa ka KSU ya ki khynnah wa pass bha ha ka SSLC wa HSSLC

Jowai: Ka Jaiñtia Students’ Union Central Body da e khublei ko ya ki khynnah puræ ki wa pass bha kiwa da yoh u kheit ya u soh i jop ha ka SSLC wa ka HSSLC (Arts) khamtam ya ki khynnah skur ka North Liberty HSS, KJP Synod Mihngi HSS, Lummuroo SS, wa ka Nongtalang Government SS kiwa da psiah cha ka Top 20.

Neiliang ka seiñ da pynsñiaw ko yei mynsien wa kmen wei sñiaw sarong wow yoo wa em kam kini ki khynnah puræ na ri-loom Jaiñtia.

Da kyntu leh ya ki khynnah wow minot chooh chooh ki yow ye ki u kreh neibynta ka mynried yong ka ri wa ka jaitbru waroh kawi.

Heijooh i por da e khublei ka seiñ ya waroh ki manbei manpa, kiwa sikai, ki khlieh yong ki thaw puræ kiwa da kreh chitom wow ye ki khynnah wow poi cha ka thong.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka seiñ da kyrpaad ko leh ya ki College wa em hapoh ka jylla wow yaleh ki katwa ye wow pynpsiah ya kini ki khynnah khnang yow lait ki bei ki pa u boon pyrkhat.

Kani toh katkam ka khubor wa da phah da u Education Secretary ka seiñ u Request. S. Pakma.

Heijooh i por ka KSU Jaiñtia Hills District ha ka khubor na u president yong ka u Ohibait Dkhar da ong u wa ka seiñ dap ko dei mkynsien wa kmen ya waroh ki khynnah na ka District kamjooh leh ka Bri Ynñiawtrep wa da poi ki chaphrang kiwa da wanrah ya i naam ka yung ka sem, ki skur wei kamjooh leh ya ka District.

Da yooluti ko leh wa kini ki khynnah u minot chooh chooh ki khnang wow ye ki u wanrah yei burom wa yei naam.