Ka KSU East Jaiñtia Hills District Unit da dap ko dei kmen wei sñiaw sarong hadooh kattæ kattæ wa ka Reliance Pyrngap da tipmit yaka deiwa pynkup da ka National Florence Nightingale Award neibynta u snem 2022 kawa man ka khusnaam neibynta ki Nurse kawa man leh kawa ha khlieh dooh wa da e cha ki Nurse hapoh ka ri India.
Ka Reliance Phyrngap da yoh pdiang ko ya kani ka khusnaam ynnin ka sngi na ka President ka ri, ka Droupadi Murmuduh ha Rashtrapati Bhavan, Delhi.
Kamtæ ka seiñ da ong ko wa ini i yoh ka Reliance Phyrngap ya kani ka khusnaam toh ka nongmuna wa bha ya ki para Nurse wei kamjooh leh ya ki khynroo khyllood ka jaitbru wa kammon u chakri rap bha yaka jaitbru ha iwon iwon i bynta wa em i lada i heh lane iwa khian neibhah ki kaam wa bha thai ki kylleiñ kylleiñ.
Kam wow pynkynmoo wa ka Reliance Phyrngap toh kawa da man kam ka Nurse ANM wa LHV la 35 snem wei katni kreh ko ha Sutnga Community Health Centre, East Jaiñtia Hills.
Puræ leh: Yoh ka Reliance Pyrngap ya ka National Florence Nightingale Award na ka President ka ri
