E khublei ka KSU Narpuh Circle ya kiwa leh bha haka SSLC wa HSSLC

Jowai: Ka Khasi Students’ Union (KSU) Narpuh Circle lyngba ka Education Committee da chim ko ya kani ka kabu wow e khublei kyrpang ya waroh ki khynroo khyllood ka thaaiñ Narpuh kiwa da leh bha ha ka Exam SSLC wa HSSLC .

Ka seiñ da ong ko wa kiwa leh bha da yoh ki u khait ya u soh i jop neidaw i kreh chitom yong ki waroh chi snem deiwa pyndep ya i kamram yong ki waroh chis nem wa ki bei ki kpa da e ha ki.

Chooh chooh ka seiñ da ong ko wa i poi cha ka thong da wanrah sakhiat ko yaka naam ka burom wa i kmen ya ka yung ka sem wa ka chnong ka thaw.

Kamtæ ka seiñ da pynchlur ko wow nang man kiwa minot ha ki kyrdan wa kham cha khmat katwa ki bei ki kpa dang ye ki wow kyrchaan.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Neibynta kitu kiwa wan cha khmat, ka seiñ kamwa jooh leh man u snem, daw pynkup burom ko ya ki deiwa e khusnam (Award), wei ya ini daw pynbna hadien.

Ka seiñ da pynsñiaw ko leh yei sñiaw diaw ya kitu ki kiwa ym em poi cha ka thong, wei da e mynsien ya ki wym toh u dooh kyrmen wei wow minot deiwa ong, “Lada kiwi ye ki nga leh u ye oo.” Neidaw wa chisien ka sngi phi leh daw yoh yei jop. Ha ka yaleh teiñ teiñ hi chah jop wei boonsien haap i.

Ini toh katkam wa kyrwoh na u Sanatomba Bamon Education Secretary KSU Narpuh Circle.