Ka KSU Wapung Unit wa ka Lad Rymbai Unit da e khublei ki ya u Deputy Commissioner, East Jaiñtia Hills District wa da chimkhia u yei dawa ka seiñ kawa da ujor ha 30-05-21 wow pynmih ya i dor marbaam wei wow booh ya ki dor ha waroh ki dukan hapoh ka District.
Ki Unit ka seiñ da ong ki wa neidaw wa da yoo ya kiwa boon ki dukan kiwa chimkabu ha kam kini ki por wa em ka Lockdown, kamtæ da e khublei yei chimkhia yei dawa ka seiñ wow phah ya waroh ki dukan wow booh yei dor namo ka Pricelist Board.
Da kyntu leh ya ki paidbah wa lada em ki dukan wa chimkabu wow sñiawbha wow pyntip cha ka seiñ khnang yow ye u ujor cha ki bor yong ka aiñ deiwa maham leh ya ki tre dukan wym toh u chim kabu ya ki paidbah ha kam kini ki por Lockdown.
