E khublei ka KSU War Jaiñtia yaka SDO ka Amlarem wa pyndam ko yaka EPIC u baar jylla wa pynemkaam yei kur Dkhar

Jowai: Ka Khasi Students’ Union War Jaiñtia Circle da e khublei ko yaka Sub Divisional Officer (Civil), Amlarem Sub Division ka J.U. Kharpuri wa chimkhia ko ya i ujor ka seiñ pyrchah ya uwi u baar jylla uwa pyrtuid u Jagir uwa da pynemkaam da i kur Dkhar, uwa da yoh leh waka Epic Card yong oo hapoh ka chnong Mupyut.

Ka seiñ da ong ko leh wa ym ye ko du wow pait næ chong klikti ya kani ka rukom leh ki baar jylla wei da pynrem joor ko leh ya ki waheh chnong kiwa e laad ya kam kini ki bru wa wan neiwon neiwon wow chim ya ka kur ka jiatbru yong i.

Neiliang ka SDO da khut hajir ko ya uni u baar jylla ha ka 28 tarik u bnai wa da dep hajrong i pynemkaam bakla u yaka jait kur Dkhar kawa man pyrchah ya ka aiñ wei ye leh wow pynchitom ya oo katkam ki kyndon aiñ.

Ka seiñ da kyntu ko leh ya ka kur Dkhar wow tuklar ki ya kani ka bynta khnang wa kitu kiwa leh thok leh chukor ya ka kur ka jait wow toh ki haka aiñ.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka seiñ da maham joor ko leh ya kitu kiwa yarap ya ki baar jylla kiwa pynyoh Ration Card, EPIC Card ya ki baar jylla hapoh ka Amlarem Sub-division kiwa da leh thok yow man ki kam kiwa chong chnong wa pura ha ka thaaiñ War Jaiñtia.

Ya kani ka kyrwoh da phah da u General Secretary u Lurman B. Talang.