Ka NPP Mowkaiaw Block da e khublei kyrpang ko ya ka sorkar MDA-2 hapoh i yahkhmat u Conrad K Sangma kam u Montri Rangbah wa u Rakkam A Sangma kam u Montri ka chnat puræ puthi wa dei kreh chitom ki da ye wow pynlait nei saja nei chitom ya kiwa lai puræ wym emkaam de u kheiñ da ka CUET hawa thooh thaw lai puræ ki hapoh ka jylla.
Kat da kamtæ da ong wa kani man ko i jop wa khroo wa da yaleh ka sorkar wow pynsuk ya ki khon khynroo khyllood ka jylla Meghalaya hadien wym lai bait i pynman ya ka CUET hapoh ka jylla wei da ini daw yarap ko leh ya kitu kiwa daw lai puræ chakhmat cha ki kyrdan wa heh.
Kam wow pynkynmoo wa ka Ministry of Education deilang waka UGC da mynjur ki yeiwa dawa ka sorkar Meghalaya wow pynlait biang ya ka jylla na ka CUET heiwa kiwa thooh thaw puræ ha NEHU kamjooh ki College wa da tipmit da kani ka skurbah wym emkaam u kheiñ de da ka CUET neibyna u snem puræ 2024-14.
Ka khubor wa da phah da u President 4-Mowkaiaw NPP Block, u Heirtami Suting wa u Secretary, u Chanki Lyngdoh.
Discussion about this post