U waheh chnong yong ka Raliang da e u yei sñiawngooh wa khroo tam ya ka Ramakrishna Mission Ashram Sohra wa e yarap ko ya kiwa dooh wa duk ha ini i por wa dang em ka Lockdown.
Ka Mission da e yarap ko da u khoo 25 kilo wa u dai 5 kilo cha ki 80 tylli ki thynda yung kiwa hapoh ka chnong Raliang, iwa man leh i yarap wa khroo hadooh kattæ kattæ ya kiwa chong chnong ha kam ini i por wym yoh u lai khih mylla.
Chooh chooh i e yarap ka Mission da man sakhit iwa kordor ha kam ini i por wa em ka khlam hapoh ka ri heiwa kiwa chong shnong kiwa dooh wa suk da em ki ha pyrdi i im kordit heiyatoh wa i baam i dih neidaw wa em ka klam wa da pyndooh ya ki wow lai khih.
Da e khublei leh ya uwa yahkhmat u Manbha Lamare kamjooh ya u Secretary Maharaj ka Ramakrishna Mission Sohra wa da em i mynsieñ kyllooid yong ki wow e yarap ki ya ka chnong kamjooh leh yaka Mission kawa da kner ki kti wa sbun u yarap neibynta kiwa dooh.
Ka kyrwoh na u Waheh Chnong Raliang.
