Jowai: Ka seiñ Ri-Jaintia youth Federation Seiñ Bei (RJYF-CB) kam kawi na ki seiñbhalang wa em ha ri-loom Jaiñtia da pynsñiaw ko ya i yaroh yaka chnat pulit ka West Jaiñtia Hills District hapoh i yahkhmat u Lakador Syiem kam u Superintendent of Police SP kiwa da yoh u u pynlait ya ki 9 ngut ki khynnah kynthai kiwa dang hapoh 18 snem i rta na kti yong ki bru wa kset yabor ki yow pynemkaam ya ki wow dai yei doh i pran yong ki.
Ka RJYF kam ka seiñ kawa pait yaka bha ka miat yong ka imlang sahlang da pynsñiaw ko yei pyrchah ya kam kini ki jait kaam kiwa pynsih wei pynjæd pynpra yaka manyung mansem ka imlang ka sahlang ha kiwa boon rukom.
Kamtæ na i bynta wow pyndooh ya kam kini ki jait myllien wa sih wei wow khanglaad ya kiwi wow chah ieñ ki ha kam kini ki jooh ki kaam, ka seiñ e ko ya i krehlang wa ki pulit wei heijooh i por ka seiñ ka maham ko ya kitu ki bru kiwa emkti ha kam kini ki jait kaam lai pynbiej yaki khynnah kynthai pynkut ka khubor na u Ebormi Pale, General Secretary RJYF-CB.
Discussion about this post