Ka seiñ Southern Border Youth Welfare Association (SBYWA) East Jaiñtia Hills District da e khublei ko ya ka chnat PWD Khliehriat nadooh ki sahep khamtam u J. Tariang, EE PWD (NEC) hajrong i chimkhia wow pynkhooid ya i khyndaw wa ki moo wa da oor hapyrdi u sarok Rymbai-Bataw-Borkhat-Sonapur (RBBS) hadien wa u S. Shadap uwa man u President ka seiñ da kyrpaad u ki ya ka chnat wow pynkhooid ya kini kiwa da chah ha u sarok ha i thaw wa em hajan ka chnong Borkhat wa Kwator.
Ka seiñ da e khublei ko ya u sahep wa kiwi ki sahep wow yoh ki ya i chait i khiah khnang wow ye ki u chakri chooh rap miat ya ki paidbah.
Heijooh i por ka seiñ da kyntu ko leh wow chna thymme næ wow pynmiat noh ya u sarok ha ki bynta wa sih u wei wow tih biang ya ki dooid kiwa da dap khyndaw ha lynter uni u sarok.
Da kyntu ko leh wow chna noh ya u sarok nadooh na chnong Borkhat hadooh Sonapur kamwa dadep mang da ka sorkar pyrdi da ki phaw snem nachwa tangwa i kreh da man won i iwa sahteiñ iwa da booh ya ki bru ha khappood hei eh i khoo.
