Jowai: Ka Seiñ Kur Dkhar Jaiñtia Hills Central Body lyngba u General Secretary yong ka, u Hamjhan H Dkhar da e khublei kyrpang ko ya ka Khasi Student’s Union (KSU)-War Jaiñtia Circle wa ya ka sahep J.U. Kharpuri kawa man kam ka Additional Deputy Commissioner I/c Sub Divisional Office (Election) Sub Division Amlarem, West Jañtia Hills wada smat ko wow pdiang ya ka ujor ka KSU pyrchah ya u Jagir Islam u wa e pyrtuid dei kur yong Dkhar ha i dur thap vote Election yong oo ha chnong Mupyut.
Ha ini i khut ka sahep da phah tympleh pyndooh ko ya oo yeini kur na ka EPIC wa na ka Electoral Roll.
Kamtae ka Kur Dkhar da beiñ joor ko ya uni u bru kamjooh leh da maham ko dei wa khor bha neini chakhmat lada em kiwa pynemkaam bakla ya ka kur deiwa pynchitom bait ya ki kat kam ka aiñ.
Heijooh i por da kyrpaad ko ya ki waheh chnong waroh wow sñiawbha ki u rap pait-siar kam ini i kaam wow lait ki u jia u em hapoh chnong poh thaw yong ka Ri Khasi Jaiñtia waroh kawi.
Discussion about this post