Ka Seiñ Raij Ialong lyngba u General Secretary yong ka, u Juhhi Pale da pyntip paidbah wei da khut sñiawbha u ya waroh ki lok ki marjan raij kamjooh kiwa najan na jngai wa em hapoh ka District kamjooh ka jylla wow wan sakhi ya ka lehniam Behdieñkhlam 2022 yong ka Raij Ialong.
Ka Seiñ Raij Ialong hadien wa da pyndep ko ya ka khrong ka tri na ki Khon Sai Khrong Sai Tri kawa da sdang nadooh ka sngi Muchai chi tayaw lynter hadooh ka sngi wow pyndep ya ka niam ka rukom hei wow beh ya i kjut i sam yong uni u snem lynter neibynta ki Khon Sai Khrong Sai Tri yong ka Seiñ Raij Ialong, Wahiajer wa Nongkyllep.
Ynne ka sngi, ka Seiñ Raij da e khublei sñiawngooh ko leh ya u MLA ka Jowai, u Wailadmiki Shylla wa da e sñiawbha u da ki bom cha waroh ki 7 tylli ki kyntoit wa em hapoh ka Raij Ialong, kam ka dak yong i e khublei Behdieñkhlam 2022 ya ki khon ka Raij.
“Sñiawkmen wow ong wa ka Seiñ Raij Ialong daw lehkmen Behdieñkhlam 2022 ko khlem da kiwon kiwon ki kyndon ya ki paaid wow chimbynta lang ha u ni u snem,” da ong ka kyrwoh na ka Seiñ Raij Ialong.
Kamtæ da khut da wer ya waroh ki paaid ka bri u Ynñiawtrep Ynñiaw Wasa wow wan sakhi lang ha kani ka Behdieñkhlam 2022 ka wow pyndep ha ka 7 tarik uni u bnai heipor 1:00 waje i sngi ha Madan Pyrda yong ka Seiñ Raij Ialong kawa em ha ka Ialong Park.
