Ka Synjuk Waheh Shnong Ri Jaintia (SWSRJ) dei sñiawsuk sñiawkmen e khublei wei sñiawngooh ko ya kiwa mihkhmat ka Ri Jaiñtia wa da ye ki u chim ya kani ka kynti wow yachem wei yaklam yow pyrchah yei thmu ka sorkar u e wai ya ki thaw e bordiñ kam ka Myntdu Leshka Hydel Project wa kiwi cha ki Company næ bru samen waphær waphær.
Sñiawngooh ka synjuk ya ki 7 ngut ki MLA yong ka Ri Jaiñtia wa kular wei kut yumut ki ha wow pynkrehkaam ya i kyrpaad ka synjuk wow wanrah wei wow booh ya ka CCC, RT-PCR Testing Centre ha ki thaw sumaar næ Hospital wa CHC hapoh Jaiñtia Hills, da kyrpaad leh heijooh i por ya kiwa mihkhmat wa emburom yong ka Ri-loom Jaiñtia wow sñiawbha ki u chim leh i kitkhlieh ha wow phah pyndam ya ka MeECl næ MePDCL yei thmu yong ka wow pynemkaam næ pyndait da u Smart Meter ha ki yung, ki sem, ki chnong ki thaw hapoh Ri Jaiñtia.
Ya ini hi ka synjuk da pyrchah bha ko hawa wanrah yei kylla ya ki rukom krehkaam (System) næ ki tiar thymme da ka sorkar næ ki chnat sorkar waphær waphær khlem iwon iwon i pynche paidbah ya boi wanrah pathan i yei eh hadien.
Kamtae da kyrpaad joor ya ki MLA wa maya yong i wow sñiawbha phi u pyndam yeini i thmu. Neibhah kiwa boon ki seiñ wa ka Synjuk Waheh Shnong Ri Jaintia leh pyrchah ki lada jia u pynkrehkaam yei pyndait Smart Meter.
Ka Synjuk kitbok kitrwiang ko yow eh daw eh rngu kiwa mihkhmat yow chait yow tram kamjooh ya kiwa hayung hasem yong ki deiwa kyrmen u ap u sñiaw ki ya i kyrpaad ka Synjuk.
Ka wyrta na u President ka SWSRJ u A. Lipon.
