Neiliang ka West Jaiñtia District Taekwondo Association (WJHDTA) dap ko dei mynsien wa kmen wa da wanrah naam rah burom ki khon ka District yong ka West Jaiñtia Hills ha ka lympung yalehke Meghalaya Games 2022.
Kam wow pynkynmoo heini ki khynnah ka WJHDTA da yoh ki hadooh 18 tylli ki takma ha kani ka lympung.
Ka Association da khublei ko ya ki dkhot yong ka wa da kreh chitom ki hei wow pynpoi ya ki khynnah cha kani ka lympung.
Da e khublei ko leh ya ki lok ki jor kiwa da kyrchaan ya ka Association kam kiwa synñiang yarap cha ka seiñ.
Kamjooh da e khublei ko ya ki manbei manpa wada e mynsien wei da pynchlur ki ya ki khon yong ki hei wow yalehke bha ha ki kaam yalehke Sports.
“Ha kani ka juk wa katni, ka Sports man ko leh kam ka wow wai laad wai luti wow yoh khih yoh kreh ki khon khynroo ka jylla waroh kawi,” da ong ka seiñ.
Chooh chooh neiliang ka WJHDTA da kyntu ko ya ki manbei ki manpa wow kyrchaan ya ki khon ki yong ki, wow chimbynta ha waroh ki liang ki yalehke Sports khnang wow lait na ki kaam damok næ pynsepai ya ka mynried yong ki.
