Ki pulit ka West Jaiñtia Hills-District Executive Force da pynsñiaw ki yei sñiawngooh yeiwa yow ki yei yarap na kiwa boon kiwa da noh kyllooid da kiwa boon jait cha ki nadooh ki tiar ki tar hadooh ki marbaam iwa da e mynsien yaki ha kini ki por wa da kreh ki khlem sangeh pyrchah yaka thma wa u COVID-19.
Da pyntip wa da yoh yarap ki da ki borti, ki mug wa i sabon cha ki pulit wa em Duty kiwa da e sñiawbha daka Blue Heaven Restaurant, Jowai.
Ki Mask wa Sanitizer naka Indian Red Cross Society, West Jaintia Hills, naka New Starlight Shop, Jowai, naka SBI Dawki Branch, naka Star Cement, na kiwa dai that ha Jowai wa naka Veterinary Department.
Ki marbaam wa emkaam naka Shiv Mandir Community, Jowai, na u Arjun Khonglah, na u waheh chnong ka Moolibang wa na u L.P. Hinge.
Ka cha waki baam dih cha da pynbiang yaki pulit wa em Duty da ka Bonfire Buddies Group, na kiwa dai tiar Hardware ka Jowai, na u Parish Priest ka Ummulong Parish wa na u Innocent Shadap.
Da yoh yarap leh ya kiwi ki tiar ki tar naka Shalyntem Cycling Club, naka Ri Pnar Gas Agency, na u K Passah uwa naka 7th Mile Weigh Bridge wa na u Firstborn Sari, President VDP Phramer.
Da e khublei leh ya kiwi kiwa boon nadooh ki bru samen, ki dorbar chnong, ki VDP kiwa da e yarap kiwa ym em kwah u mih pyrtuid.
Neiliang u SP da ong u wa i e sñiawphi yong phi toh iwa e bor ya i wow chakri ya phi.
Discussion about this post