Hadien wa chah jied ka India ynnin wow man kam ka dkhot wa chipor namo ka Non Permanent Member ka United Nations Security Council, da wan mih ki ri wow e khublei ya ka India hajrong ini.
Ka ri Estonia da e khublei ko ya ka Ireland, Norway, Mexico wa ya ka India hadien wa chah jied ki kam ki dkhot wa chipor ka UNSC neibynta u snem 2021-2022.
Neiliang ka Bulgaria da e khublei ko ya u montri ki kaam baar ri (External Affairs) ka India, u Dr. S. Jaishankar hadien wa chah jied ko kam ka dkhot ka Council.
Ka ri Ukraine leh da e khublei ko ya ka India, Ireland, Mexico, wa Norway wa chah jied ki kam ki dkhot ka UN Security Council dei kyrmen wow pynim pynsah ki ya ki thong wa ka United Nation yieñ ko.
Ka Russia kawa man ka ri wa yajan lok bha wa ka India da e khublei ko ya ka ri dei kyrmen wow kreh chirup neibynta i man i long ha kylleiñ ka pyrthai.
