Jowai: Neiliang u Raja L Suchen uwa man kam u Secretary ka chnong Huroi wei neibynta ka chnong Huroi, Hingaria, Lahalein wa Lejri da e u ya ka Wyrta wow pdiang yei kular u symbood montri rangbah ka jylla uwa pait leh ya ka chnat PWD (R) wa ka sorkar daw chimkhia ko wow chna ya u sarok cha kini ki chnong.
Heiyatoh wa ka khubor wa da mih ha kani ka tayaw, da ong u wa i thmu hi toh wow pynbor ya ka sorkar wow chimkhia ko yei eh i khoo wa chem ki paidbah ha kini ki chnong kiwa em ha khappood wa ka ri Bangladesh.
Kini ki chnong da ong ki wa ki ym em ki iwon iwon i thmu wow psiah cha Bangladesh tangwa u kreh wei u neh bait ki wa ka India deiwa burom leh ya ka riti synchaar ka ri wei kwah ki wow pynsñiaw yeiwa chem ki iwa da sahteiñ waroh kini ki snem wa da lai.
Heijooh i por da pdiang ki yei wan ki heh ka District kamjooh leh ki pulit ka cha kini ki chnong iwa daw e mynsien ki ya ki paidbah wei ym sñiaw chah ieh khonswet de ki.
Chooh chooh da ong ki leh wa daw booddien ki yeini i kular ka sorkar wow chna ya i sarok wei ha kini ki tayaw wow wan daw lai yachem ki leh ya u montri rangbah ka jylla wa u symbood montri rangbah ka jylla hajrong ini i kaam.
Da e khublei ki leh ya ki bru wa ki seiñbhalang kiwa da chimkhia ya kani ka kaam neibynta ki paidbah ka thaaiñ.
