Ka seiñ Kyntu Seiñ Raij 12 Daloi da e khublei Shad Suk Mynsiem wa suk wa kmen ya waroh ki khon ki hajar yong ka Seng Khasi Kmie Mawkhar kiwa em ha kyllieñ ka ri ki 30 Syiem ha kani ka Shad Suk Mynsiem kawa sdang nadooh ka 10-04-2021 wei kawa daw kut ha ka 12-04-2021.
Kani ka Shad Suk Mynsiem kawa le sngi lynter u wanrah ko chiboon ki kyrkhu kyrdoh na u Blai Tre Kynrad uwa booh wa thaw, kani ka Shad Suk Mynsiem wow pynneh pynshah ko ya ka Niam ka Rukom ka Dustur ka Riti Tynre kawa ka pteiñ wa katni da yoh na ki long chwa man chwa wei wow pynneh ya i rukom man ka jaitbru hakhmat ka pyrthai.
Ka Seiñ Kyntu Seiñ Raij 12 Dolloi ka ngait ko wa lyngba kani ka Shad Suk Mynsiem kawa jooh leh ha man-u-snem chisien chisnem ha ryngkat i kyrkhu u kynrad wa booh wa thaw wa i u lait i na ini i kjut yong ka pyrthai ka khlam COVID-19, wa e wa hadien kani ka Shad Suk Mynsiem kani ka khlam ka ngoh leh daw phet noh ko na ka ri wa jylla wa kyntang yong i khnang wa ki khon ki hajar yong ka Bri u Ynñiaw Trep Yñiaw Skum na ka Ri ki 12 Dolloi wa ki 30 Syiem yow im suk im saiñ ki yow bha ka kamai kajih ha ki kaam wa kreh næ haka puræ puthi.
