Jowai : Ka All Jaiñtia Youth Welfare Organisation Central Body hei khubor wa da phah da u Bah MH Dkhar, President yong ka seiñ, da e khublei Snem Thymme ko ya waroh ki khon ki hajar yong ka Ri Jaiñtia waroh kawi.
Ka seiñ da e khublei snem thymme wa suk wa kmen heijooh i por da kitbok kit rwiang ko ya waroh ki khon ki hajar yong ka Ri Jaintia wa ka Bri u Ynniaw Wasa yow im suk im saiñ, yow yoh ki i chait i khiah, yow roi u par ki, nadooh i akor burom, wei tip-bru tip-blai, hei nang i stad wa hei yoh i kot.
Heijooh i por ka seiñ da ong wa lyngba uni u snem thymme ka seiñ e ngooh ko ya u blai wow yah luti ya ka jaitbru yow kyrkhu kyrdoh u ya ki waroh liang wanang.
Discussion about this post