Kiwa chong chnong ka Nongthymme Sehlama, West Jaiñtia Hills District da e khublei sñiawngooh ki ya u MLA ka Nartiang Constituency uwa man leh u Montri ka sorkar jylla, u Sniawbhalang Dhar wa da e sñiawbha snem thymme u ya ki khon yong ka chnong da ki kymmor kupthiah kam heini i por tlang.
Chwa wow saam ya ki kymmor da em ka yalang heiwa da yoh yei klam e khublei na u W. Lamare u Asst Waheh Chnong, na u J. Ryngkhlem u Secretary Chnong kamjooh leh na ka R. Ryngkhlem President ka Seiñ Kynthai Unit ka NPP.
Ya kani ka yalang da pynlai da u President ka Unit u M. Sumer.
Hei klam yong kini ki waheh da e ki ya ki kyntien kyrkhu kyrdoh ya u MLA uwa da kreh chitom ha kiwa boon ki liang neibynta ki paidbah ka Constituency.
“To u Blai u emlang u chirup wa phi kamjooh leh wa ka yung ka sem wow nang yoh phi dei chait i nang wow nang yoh bor chooh chooh phi u chakri ya i ki paidbah kamjooh leh ya ka jylla waroh kawi ha kiwa boon ki liang,” da ong ki waheh na ka chnong.
