Ynnin ka sngi, ka Ramakrishna Mission, Sohra hapoh i yahkhmat u Swami Anuragananda uwa man leh kam u Secretary ka Maharaj Ramakrishna Mission Ashrama, Sohra, East Khasi Hills District da saam mynkna ki ya u khoo wa u dai cha ki 30 tylli ki manyung chnong kiwa dooh wa duk deiwa e kamwa 25 kilo samen bru u khoo wa 4 kilo samen bru u dai.
Kamtæ ka dorbar chnong Ialong dei mynsien wa sñiawngooh da e khublei ko ya ka Ramakrishna Mission, Sohra wa da chynna jngai ko ya i dooh i kyrdooh ki paidbah khamtam ha ini i por wa hap chong kset ha jar jiar ki yung ki sem neidaw yong ka khlam COVID-19.
Ka Dorbar Chnong Ialong da e khublei ko sa chisien ya ka Mission deilang wa ki lok ki jor wa wan lang chirup wa u Secretary, kiwa da pynlait yei por wa kordor yong ki khamtam ya i mynsien sñiaw wyrai ka yong ki kam ka Mission neibynta ki kup chiliang sem chiliang.
“E wa u Blai kynrad u theh u ha phi dei chait dei nang dei pura dei syllan, yow man phi kiwa roi wa paar yow nang ye chooh chooh phi u chakri dei kaam wa bha ya ka ri wa ka jaitbru,” pynkut ka kyrwon na u Waheh Chnong Ialong u T. Ram Phawa.
