E khublei sñiawngooh ka Mulang Sport Club,Ialong ya ka WJDSA

Jowai: Ka Mulang Sport Club, Ialong da e khublei sñiawngooh ko ya ka WJDSA wa da ye ko u pynlai bait pynlai ryntih ya ka lympung Football Tournament U-12 Republic Day Cup, 2019 nadooh wa sdang ya ka ha ka 8 tarik hadooh 26 tarik uni u bnai chirup wei yakrehlang wa ka yung krehkaam u Deputy Commissioner West Jaiñtia Hills District, Jowai.

Heijooh i por da e khublei kyrpang ko leh ya ki Secretary wa ki Chairman yong ka Dong Mulang, Ialong kamjooh ya ki Dong waphær waphær wa em hapoh ka chong Ialong hi waroh kawi kiwa da kyrchaan doh yap doh im neibynta u pynku ya ka Sport Club yong ka Dong kamjooh yong ka chnong hi waroh kawi.

Heijooh i por da e khublei kyrpang ko leh ya kiwi tawon ki chnong para marjan kiwa da kyrchaan ya ka Club deiwa yawan sakhi lang ya ka yalehke yong ki khynnah ha ka sngi Republic Day yong uni u snem.

Da e khublei kyrpang ko leh dei wym ye de u mylliñ ya u Become Pale uwa man kam u Coach yong ka dhab dei mynsien wa sbun i yong oo uwa da ye sakhiat u pynpoi ya ka cha ka thong wa da mang.

Related posts

Dei kreh yonglang pynkhreh ka Seiñ Raij Raliang ya ka Kopati Puja

November 17, 2024

Rah ka Iapmala Wahshnong ya ka 3rd Interdong Football Tournament

November 17, 2024

Chooh chooh da e khublei kyrpang ko leh ya u Sport Secretary yong ka Dong Luti-Tuber, Ialong u Steward Dhar uwa da ye sakhiat u yakreh lang chirup wa ka Club kamjooh leh ya ki bei ki pa yong ki khynnah ka Club wa da kyrchaan lang ya ki.

Da e khublei wa kyrpang ya ki paidbah nadooh ki tre kari kamjooh kiwa yah kari kiwa da noh kyllooid mynsien da ki kari cha ka Club neibynta u kit ya ki paidbah ha ka 26 tarik kawa man ka yakhun Final.

Ka Mulang Sport Club dap ko leh dei mynsien sñiawkmen wa da ye sakhiat ki khynnah yong ka u leh bha kamjooh wa da ye ki u wanrah burom ya ka Dong kamjooh ya ka chnong hi waroh kawi hadooh wa da ye sakhiat ki u wanrah ya ka naam Champion la le sien ha u snem 2017, 2018 wa 2019 ha kani ka U-12 Republic Day Cup.

To u Blai Kynrad u nang kyrkhu kyrdoh u ya phi ki paidbah wa kyrchaan ya ka Club, kamjooh leh u nang ye chooh chooh phi u kyrchaan ya ka Club na ki por cha ki por kamjooh ka Club leh yow nang ye chooh chooh ko u pynku ya ki kaam yalehke na ki por cha ki por.

Kani toh katkam u T. Ram Phawa wa man kam u General Secretary ka Club.