Ki paidbah ka Khliehtyrchi, West Jaiñtia Hills ynne ka sngi da e khublei sñiawngooh ki ya u MLA ka Jowai, u Wailadmiki Shylla hadien wa da e sñiawbha u ya ki da ki kymmor cha ki manyung ka chnong.
Chwa wow ekti ya ki kymmor da em ka yalang wa pynman ha Dorbar Hall ka Mookyniang, Khliehtyrchi heiwa da saam ya kini ki kymmor da u Waheh Chnong, u Kitbok Rymbai, u Secretary ka chnong, u Beson Rymbai wa kiwi kiwi ki dkhot ka chnong.
Chooh chooh neiliang ki khon ka chnong da kitbok kitrwiang ki ya u MLA wow yoh u yei chait i khiah heiwa daw ye u wow kit u bah ya chiboon ki kaam yong ka chnong wa ka Constituency waroh kawi kamjooh leh ya ki paidbah ka Ri-loom Jaiñtia wa ka jylla hi waroh kawi.
Ha kani ka sngi da em hadooh palat 700 tylli ki manyung wa emkaam yarap wa da yoh ya kini ki kymmor wa da e sñiawbha u MLA na oo hi ymtoh na ka MLA Scheme.
