Jowai: U National President ka NPP uwa man leh u montri rangbah ka jylla, u Conrad Sangma da e khublei u ya ki paidbah ka 43-Williamnagar Constituency kiwa da em i chaniah wei kiwa da e i kyrchaan ya u kyrtong ka party, u Marcuise Marak uwa da jop ha kani ka Election yeiwa ya ka vote da niaw ynne ka sngi.
U Conrad kyrmen skem u wa u Marcuise Marak u yahkhmat u ya ki paidbah ka Williamnagar Constituency wei wow e yeiwa thrang wa angnood ki.
U Marcuise Marak toh uwa da em slem ha kani ka party wei u Conrad da ong u wa i chah jied u ym du daw yarap i ya ka party tangwa daw yarap u leh wow yaleh wow wanrah yei roi i paar hapoh ka jylla waroh kawi.
Da e khublei u leh ya kiwa kitkaam ka party kamjooh leh kiwa krehkaam yong ka deiwa ong wa ini man i ym du i jop ki paidbah tangwa i yong ka jylla hi waroh kawi.
Discussion about this post