Ynne ka sngi ka 13 Thohlakhmi kawa man-u-snem da tip ya ka kam ka World Radio Day wei ya kani ka sngi da rai wow lehwarom ya ka kam ka Radio Day da ka UNESCO ha ka 3 Khonchonglad (November) 2011 ha ka 36th Conference ka yong ka.
Hadien wa kyrpaad ka Spanish Radio Academy ha ka 20 Naikhynde 2010, Spain ya ka UNESCO Executive Board wow pynbna ya ka World Radio Day wei neiliang ka Executive Board ka UNESCO da chimkti ko wow pyrkhat yeini ha ka 29 Naikhynde (September) 2011.
Ka Board da tyrwa ko ya ka UNESCO 36th Session yong ka General Conference wow chim ka rai hajrong kani ka sngi ka World Radio Day ha ka yalang 36th Session, heiwa ka UNESCO da pynbna noh ko ya ka 13 Thohlakhmi (February) wow man noh kam ka Radio Day kawa man leh ka sngi lyngkhooh snem wa sdang ka United Nations ya ka United Nations Radio ha u snem 1946.
Ynne ka sngi, neiliang u montri rangbahdooh ka ri, u Narendra Modi da ekhublei u ya waroh ki bru wa ap radio deiwa ong wa ka Radio man ko ka rynsaan wa miat wei kawa pynkhlan yei yatoh hapyrdi ki bru.
