Ka JSU Khliehriat Circle lyngba u President u Livingson D Sama da e khublei ki ya ka Crime Scene Unit, Crime Branch wa ya ki pulit ka Khliehriat Police Station neibynta wa da yoh kem ki ya u bru thrang snam uwa da chim yei mynsien yong ka Ebamon Siangshai kawa dang puræa Class X ha Wapung Secondary School, East Jaiñtia Hills.
U President da yaroh u yei kreh chitom yong kitai ki chnat pulit waphær waphær wa da yoh ki u kem ya u Heibormi Dkhar uwa da suba joor wa tynyap ya ka Ebamon Siangshai wei da kyntu leh ya ki bor ka aiñ wow pynchitom deiwa kset patok chirta ya utai u bru thrang snam.
Da pynkynmoo leh ya kini ki chnat sorkar wow booddien biang yei chah slaitbor wei chah tynyap ka Mantip Langstang ka khynnah skur kawa puræ ha ka skur Mait Chaphrang Secondary School Sohkymphor ha ki bnai wa da lai.
