E khusnam ka Golden Lion Football Centre ya ki khynnah yong ka kiwa da bna naam haka yalehke bol

Kam chibynta wow pynchlur ya ki khynnah ha ka sap Football, ka Golden Lion Football Centre da pynman ko yaka saam khusnaam namo ka e Award neibynta ki khynnah kiwa em hapoh kani ka Centre.

Ya kani ka Award da pynman ha ka 5 tarik uni u bnai ha Synrangsahkhian Iung Dorbar Hall, Rymbai. Ha kani ka yalang da emlang u ADC ka East Jaiñtia Hills District heijooh i por da man u kam u kongsan ha kani ka sngi deilang wa u MDC ka Rymbai Constituency, u Secretary ka chnong Rymbai, ki Coach na East Jaiñtia, ki bei ki pa ki khynnah kani ka Club, ka Wila Lapasam kawa jop ya ka Jaiñtia Got talent wa kiwa chong chnong ka chnong Rymbai.

Ha kani ka sngi, u Comfort Dkhar uwa man u Coach heijooh i por uwa seiñ ya kani ka Club, da batai u chaphang i lai luti yong oo hawa seiñ ya kani ka Club, da khana u leh wa em hadooh 5 ngut ki khynnah kiwa da chah jied ha kiwi ki Club na baar ka jylla heiwa da yoh ki ya ka Full Scholarship. Da khana u leh ya kani ka Club da sdang nadooh u snem 2016, wei ha i lai luti yong oo da chem u wa boon ki khynnah kiwa em yaka sap heiliang ka Football wei ki khynnah na kani ka Club da chimbynta ki ha chiboon ki Tournament wei da poi ki leh cha ka kyrdan State Level.

U kongsan, u Marwein da ong u wa ka Sport man ko kawi ka jait kaam kawa emkaam bha ha i ki bru, wei emkaam u leh i khnang yow yoh yei chait yei nang. Neiliang yong oo daw thooh u ki laad ki luti yow yarap u ya kani ka Club. Da ong u leh wa ka chnong toh u chimkhia ko heiyatoh wa ini, khnang yow ku ki khynnah heiliang ka Football.

Meghalaya Games 2025: Jop ka East wa West Jaiñtia Hills

January 17, 2025

Thadlaskein Football League: Jop ka Nongkhroh Rim, Maya waka Onfroy United

January 16, 2025

U Local MDC ka Rymbai, da khana u ya ki por kiwa dang khynnah u wa sñiawsuk bha u ya ka Football wei da yoh khreh u leh ha ka Army tangwa kiwa ha yung ym chah ki wei hap chong u ha yung.

Neiliang u Secretary ka chnong Rymbai da ong u sñiawkmen i mynsien u wow yoo u ki khynnah ka chnong wa chongchit ki u lai chim ya ka Award yong ki. Wei da khana u wym pu jooh leh kam kani ka Award heiwa yatoh wa ka Football. Da khana u wa man i por jooh yo u dang step wa practice ki khynnah cha madan, yoosuk u u peit wa tyrnit ki khynnah iwa yarap ko ya i chait i khiah yong ki.

Ha kani ka sngi da saam leh ya ki Award cha ki khynnah wa leh bha ha ki Exam yong ki.

Da yoh leh yei rwai na ka Wila Lapasam kawa jop ha ka Jaiñtia Got Talent wa u Rwison Dkhar, uwa rwai na ka dhab tem Dewdrop.

Ki Award neibynta ki khynnah man ki kamni:

Best Goal Keeper