Ha ka 25 tarik uni u bnai, ki chipai ka Border Security Force (BSF) da e kti ki ya uwi u khynnah cha ki chipai ka Border Guard Bangladesh (BGB), hadien wa psiah u chapoh India wa kawi ka bru ha ka 24 tarik uni u bnai ha Border Out Post Nongkhen.
Neiliang ki BSF da kem ki ya kani ka bru kawa tip kam ka Begum kawa 35 snem wa uwi u khynnah wa 13 snem kiwa na ka chnong Shantinagar, Sylhet District.
Ka yutip wa yoh da ong wa kani ka bru da yah ko ya uni u khynnah wow kit u ya ki tiar wa rah tooh ko chapoh India wei ha ka 25 tarik ki chipai BSF da e kti noh ki ya uni u khynnah cha ka BGB hadien ka yalang katwa ya kani ka bru dang takit ya ka.
Ini i leh ki chipai BSF da jia i dei langær heiwa da jooh pynuiñ næ e kti biang ki ya ki nong Bangladesh cha ka BGB khamtam hadien wa bakla psiah ki chapoh ka ri.
