Ka sorkar Meghalaya kam chibynta wow pynkhlan ya ki kaam uiñke suwari da e kti noh ko ya i thaw ha Umiam neibynta u chna ya ka ka Taj Umiam Resort & Spa ha ka yalang wa da pynman ha Umiam Water Sports Complex ynne ka sngi.
Deini ka Shillong u em ko ya soo tylli ki Five Star Hotel heiwa ar tylli na kini toh kiwa da krehkaam.
U Conrad da ong u wa kani ka kreh daw ye ko wow wanrah chiboon ki khih ki kreh ya ki tre jylla hi waroh kawi.
Da ong u wa i wan ka Taj ha ini i thaw daw pynku i yei kaam uiñke suwari wei daw wailaad i leh ya ka jylla wow yaryngkat wa kiwi ki thaw ka ri.
Kani ka Five-Star Luxury Resort, daw chna deiwa pynlut ₹330 klur wei u man ko kawa heh dooh ka Hospitality Project ha Meghalaya.
Deiwa wan da i pyrtuid wa pawnaam ka Taj ha Umiam daw pynkylla dur ko ya ka thaaiñ najrong wa pynyoh kreh leh ya kiwa boon wei daw pynman ko ya ka Meghalaya kam ka jylla kawa em leh ki thaw sah wa kyrpang yow pynskem yei pyrtuid ka Meghalaya kam kawa em ya iwa em cha kiwi ki thaw ha pyrthai.
U Conrad da khana u wa ha u snem 2024 da jan dap 16 lak ngut kiwa uiñke suwari kiwa wan wei da booh thong wow pynku cha palat 20 lak ngut ha u snem 20228 deiwa em palat 300 tylli ki thaw uiñke suwari ha kylleiñ ka jylla.
Discussion about this post