E kti u CM ka Manipur ya 18 tylli ki kari cha ki 6 tylli ki District Council ka jylla

U Chief Minister ka Manipur u N Biren Singh ynne ka sngi da ekti u ya 18 tylli ki kari Hyundai Creta cha ki 6 tylli ki Autonomous District Council (ADC) ka jylla hapoh ka ‘Go to hills’ Mission.

Ya kini ki kari neibynta ki chnat krehkaam ki ADC da saam haka yalang wa pynman hakhmat ka Secretariat u Chief Minister ha Babupara, Imphal.

U Biren da ong u wa ini i saam yaki 18 tylli ki kari cha ki ADC daw pynkhlan ko yaka synchaar paidbah nadooh na tre wei da leh ya ini hapoh ka sorkar wa yahkhmat daka BJP hajrong ka thong  ‘Go to hills’ Mission. Ka sorkar leh da dep ko wow li e kari cha ki District Superintendent of Police, da pyntip chooh chooh u.

Hawa e yei jubab cha kiwa thoh khubor, u Biren da ong u wa neidaw ka khlam COVID-19 wei yow yada yaki paidbah, ki Election cha ki ADC da hap wow pynsangeh chwa. Wei neidaw leh wa i dawai yada na u COVID-19 ym slem de da yoh kamtæ daw pynbiat won yaki tarik.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka kyrwoh sorkar da pyntip ko wa hadien wa pynmim biang ya ki 6 tylli ki ADC ha Manipur kitæ ka Chandel, Churachandpur, Kangpokpi, Senapati, Tamenglong wa Ukhrul, ka Department of Tribal Affairs and Hills da boon bha lut phut ko wow chim wai ya ki kari neibynta ki 48 ngut ki bru ki ADC.

Kani ka chnat sorkar da pynlut ko T. 250 lak hadooh T. 300 lak ha ka chi snem yow pynlait yaka ram bai kari. Kamtæ da rai wow thied noh da ki yong ka hi ki kari heiwa ya ini da pynbait waka Advisory Board ka chnat wa kynthup ya ki Minister, MLA wa kiwa mihkhmat ka State Finance Department.

Ka Board da mynjur ko wow thied ya kini ki kari chi bhah chisien iwa daw pynduna yei lutsan deiwa pynlut chisien pynlut heithaw wow su ma su bai kari.

Da pyntip leh wa ha u 2018-19, ka chnat da dep ko wow thied 12 tylli ki Bolero, mar ar tylli ya ki 6 tylli ki ADC lyngba ka Government e-Marketing (GeM). Ha u 2020-21, 18 tylli ki Hyundai Creta da thied lyngba ka GeM kiwa da e mar 3 tylli cha ki 6 tylli ki ADC.

Chooh chooh da ong wa neidaw wa chitom poisa, ka Department of Tribal Affairs and Hills ym ye ko wow thied ya waroh ki kari chisien thied wei daw pteiñ wow thied ya ki kari wa emkaam ha ki snem wow wan katwa dang yoh poisa.