E kti u Conrad ya ka poisa wa Rs. 6 lak yow thied kari ka Halfway Home wa em ha Sabahmuswang

U Montri Rangbah ka jylla, u Conrad K. Sangma, ynnin da e kti u ya ka Cheque kawa Rs. 6,07,336 cha u Dr. H.H. Mohrmen, Secretary ka Society for Urban and Rural Empowerment (SURE), kam chibynta wow thied kari ya ka Halfway Home, Jowai kawa em ha Sabahmuswang, West Jaiñtia Hills.

Kani ka poisa toh kawa da sai napoh ka Chief Minister’s Special Development Fund 2024-25 (NGO Category).

Ka Halfway Home toh kawa pynlai da ka Society for Urban and Rural Empowerment (SURE), kawa man kam ka thaw sah thaw pait ya kitu kiwa em i chitom hei bor pyrkhat pyrdaiñ kiwa da yoh u mih na ki thaw sumaar tangwa ymtip won yei chnong, i thaw sah ki kamjooh ki wym em thaw sah næ ki wym ye de kiwa ha-yung ha-sem u pait ki.

Kani ka Halfway Home toh kawa da wai ha ka 28-06-23.

Kam wow pynknmoo wa da em arngut kiwa pait da kani ka Halfway Home kiwa da ye u pynpoi biang ki cha kiwa emyatoh ki. Wei kani ka thaw leh man ko kawi na ki soo tylli wa kyrchaan da ka chnat Social Welfare kawa da ye leh u poi cha ka thong wa da booh ya ka.

Related posts

Pynkup burom ka sorkar da ka State Award ya kiwa sikai skur ka jylla

September 6, 2025

Charge Sheet ki pulit pyrchah ya ka Sonam deilang ki soo ngut kiwi wa emkti wow pynyap ya u Raja

September 5, 2025

Neiliang u Conrad da e khublei u leh ya ka SURE yei kreh chitom ko wei da pyn-eh-daw u leh wow nang yoh ki yei jop hei kaam yong ki.

Neiliang ka SURE da e sñiawbha ko da ka kot sikai chet namo ka Cook Book wa pyrtuid “Bam Tynre” kawa pynyoo ya ki jait baam tynre wa i rukom pynkhreh.