Ka DC ka East Khasi Hills da pynmih hukum ko ynne ka sngi kam chibynta wow yarap ya ki warep yow ye ki u lai sumaar ya ki mar rep ha ki thaw rep yong ki ha kini ki por wa em ka Curfew.
Ki warep ye ki wow pyntip lyngba ki wakeh chnong, ki CCMT cha ki BDO chaphang i emkaam yong ki.
Ki BDO hadien wa pyntikna ki, u e ki ya ki Pass næ i e kyrpang neibynta ki warep kiwa pyntipmit da ki waheh chnong/CCMT, khang wow ye ki u lai pait lai sumaar ya ki mar rep du cha ki thaw rep yong ki nadooh 5 waje i step hadooh 3 waje noh charaiñ ka sngi.
Ya ka Car Pass neibynta ki warep kiwa em ya ki thaw rep wa jngai na ka chnong i wym poi deiwa lai kjat, ye ki wow yaleh na ki jar jiar ki BDO.
Waroh ki warep toh u bood ki ya ki kyndon wa da pynmih da ka chnat i chait i khiah neipor cha i por, deiwa deiñ Mask, u yajnai na uwi ya uwi, u man kiwa lehkhooid wei wow ya krehlang wa ki waheh chnong, ki CCMT wa ki BDO.
Kiwon kiwon kiwa em ky’oh lane kiwon kiwon kiwa em ki dak ki chin chitom ym chah wow lai ki cha ki thaw rep wei ym chah wow mih na ki thaw wa man kam ki Containment Zone.
Ki BDO, ki waheh chnong, ki CCMT wa ki pulit toh u pyntikna ki wa ha ki thaw rep da bood pynrkhiñ ya ki kyndon.
Kiwon kiwon kiwa chim kabu daw chah pynchitom ki katkam ka aiñ.
