U District Election Officer, West Jaiñtia Hills District, Jowai da pyntip u wa ha kani ka Election MLA, 2023, ka Election Commission yong ka India da e laad ko ya ki bru wa duna hei doh i pran (Person with Disability) kiwa man kam kiwa thap Vote kiwa em duna kamwa 40% chaneiñ i bor krehkaam i doh i pran kiwa da tipmit hapoh ka Electoral Roll wa kiwa da heh rta kiwa em palat 80 snem chaneiñ wa ye ki wow thap Vote lyngba ka Postal Ballot.
Kani ka laad wa da e da ka Election Commission yong ka India toh yow pynsuk ya kitu kiwa man kam ki PwD wa kiwa da heh rta kiwa da chem chitom wow lai cha ka Polling Station yow thap Vote neidaw wa chitom wa kiwi kiwi de ki daw.
Ki PwD wa kiwa da heh rta ye ki wow yaleh ya ka Postal Ballot lyngba ka Form 12D kawa daw wan saam da ki BLO wei kiwon kiwon ki PwD wa kiwa da heh rta ye ki wow yaleh ya ka Postal Ballot, wei wow lai e ya kani ka Form cha ki BLO hapoh 5 sngi wa da pynmih i pynbna yong ka Election.
Ki PwD hawa yaleh ya kani ka Postal Ballot hap ki wow sooh lang ya ka Benchmark Disability Certificate wa da yoh katkam ka aiñ yong ka Rights of Persons with Disability Act, 2016. Ya ka sngi wa i por wow wan ki Polling Officers wow yarap thap Vote daw pyntip cha ki PwD Voter wa kiwa da heh rta kiwa da yaleh ya kani ka Postal Ballot da ki Returning Officer yong ka Assembly Constituency.
