E laad ka sorkar ya ki paidbah wow pynsñiaw yeiwa yooluti ki naka Shillong Smart City

Shillong: Ka chnat pynroi sor yong ka jylla nadooh ka 1 tarik uni u bnai da pyllait ko yaka website https://www.eol2019.org/CitizenFeedback%2c wei kani ka Website daw e laad ko ya ki paidbah wow e yumut heiwa ka chnat daw pait bniah ko ya kini ki e yumut khnang wow pynlai yaka kaam katkam i kwah ki paidbah.

Ka sorkar da pynkhreh ko neibynta wow pynman yaka sor Shillong kam kawi na ki Smart City wei i thmu wow pynlut kamba T.150 klur deiwa kyrchaan poisa lang ka sorkar bei waka sorkar jylla wa mar 50-50.

Hawa klam wa ki laad pathai khubor ynne ka sngi, u Hamletson Dohling wa u CEO ka Shillong Smart City, u Krishna Trimurthy da pyntip ki wa ka sorkar lyngba ka Project Smart City da pynkhreh wow pynkylla noh ya ka yaw Laitumkhrah kawa da jooh tip kam ka yaw Shillong deiwa tympra noh ya ka yaw kawa em katni yow chna da iwa thymme ha i lut kawa T.30 klur.

U Hamlet da pyntip chooh chooh u wa ka Shillong Smart city ka da pynkhreh ko leh wow chna ya ka Smart Road, iwa mut wa ka sarok kawa biang nadong chadong nadooh i heh, i pynbiang ya ki nala wei kamjooh ya ki thaw pynyieñ ya ki kari, katwa u CEO da pyntip u wa hawa sdang ya katai ka Smart Road daw pynkrehkaam chwa ha i jrong wa 6 Km ha ka surok na Raj Bhavan cha Polo ha i lut kawa T.30 klur, wei daw pteiñ biang neibynta ka 25 Km.

Related posts

Wan chim yukheiñ u MLA ka Jowai yei chah ktah ki warep nei haap phria

November 7, 2024

Nadooh na Nongthymmai, Umroi, Nongpoh, Umroi wa kiwi de kiwa daw wan psiah biang cha ka Congress: Vincent Pala

November 7, 2024

U CEO da pyntip u leh wa ha kitai ki Smart Road daw chna leh ya ki nala wow pynlai ya ki sainar bordiñ wa kiwi.

U Hamlet da pyntip u wa lyngba ka Shillong Smart City, ka chnat da pynkhreh ko leh wow chna sa kawi ka yaw ha Polo ha i lut wa T.80 klur wei ya kani ka yaw daw chna ha i thaw yong ka SMB.

Hawa yatoh yei chna ya ki thaw pynsahnam, u Dohling da pyntip u wa ka chnat pynroi sor da pynkhreh ko yaka thaw ha Barik kawa toh ka yong ka chnat PWD kawa em 2.2 Acre. Da ong u wa neibynta ka chnat da khut ko leh ya ka Tender kiwa pynwan dur yei chna.

Chooh chooh da pyntip u wa em 5 tylli ki kynhun kiwa da phah ya i rukom pynwan dur, wa kynthup na ka Flying Elephants Studio Project na Bangalore, ka Department of Architecture, Science and Technology na NEHU, ka M/S Kshestra na Hyderabad, ka Design Cell Faws Design na Shillong wa ka Visio Architecture Ltd. Port Louis na Mauritius wei ka chnat da jied ko ya kawi kawa pynwan dur kawa na Shillong hi.