Hadien wa yoh ujor na kiwa boon kiwa chong chnong ka Elaka Sutnga wa em ki bru kiwa da Register ya kawi ka thaw wa heh hadooh 21 lak sq mt kawa dapoi hadooh 215 Hectare, kamtæ neiliang ka seiñ JNC ynne da lai ujor ko cha u CEM hajrong ini neibhah katkam wa tip ka seiñ ka JHADC ymtip ko yeini neibhah ka Council ye ko wow Register yei thaw wa heh du 1 lak sq mt neibynta kawi ka Land Holding Certificate.
Da pynphylla yaka seiñ wa ki EM wa toh u pait ya kani ka kaam nood ki wow e ya kani ka Land Holding hadooh 21 lak sq mt tam i heh i thaw khlem da lai leh sorjamin boi ya em i thaw yong kiwi ki bru wa em hapoh kani ka thaw. Neibhah ini i thaw wa heh kat deini toh u mih 21 tylli ki Land Holding Certificate.
Kamtæ ka seiñ da dawa ko na u CEM wow pynman chwa da ka sorjamin yow lait chah tooh i thaw yong kiwi ki bru wei kammon hi da e laad wow e Land Holding Certificate yei thaw wa heh 21 lak sq mt iwa da pynsuba leh wa ye u em iyi re iyi wa da murieh wei kiyi ki kitæ kiwa em thaw hadooh 21 lak sq mt.
Da dawa leh wow pynman yei takit yow pyntikna wym chah ktah uwa khian wa nai wei da phah leh yaka khubor wa che cha ki EM wa RO wa toh u pynsangeh chwa ya kani ka Land Holding Certificte lym kamtæ ka seiñ daw leh ko da ka PIL ha ka High Court.
Discussion about this post