Kiwa chong chnong ka Mynkrem Shangpung wa kynthup lang ya ki paidbah da pynsñiaw ki yei pyrchah joor yei thmu wow booh yaka karkhana Coke Factory hapoh ka chnong.
Da ong ki wa neiliang yong ki paidbah ym em yoh yutip ki lane wa em wa khut ki cha ka yalang lane wa pynman yaka pynche namo ka pynsñiawthooh paidbah wa daw sdang u chna ya kani ka karkhana.
Chooh chooh da khyrngiat ki leh wow tip wa u Waheh Chnong ka Mynkrem Shangpung da e NOC u khlem da tip ki paidbah.
Neiliang ka chnong da kyrpaad joor ko ya ki seiñbhalang ki waphær waphær wow ya emlang ki wa ka chnong hapyrdi ini i eh heiwa yaka karkhana da thmu wow chna hapoh 1 Km i jngai naka chnong.
Kiwa chong chnong da suba ki leh wa kani ka karkhana ye u man toh pyn da ka yong u Waheh Chnong deiwa ye u man wa ya krehlang wa kiwi heiwa hadooh kattæ ym pu tip kiwa neiwon wa mut wow chna ya kani ka karkhana.
