Ka mukotduma wa da yaleh da ka Synjuk Ki Waheh Chnong Jowai pyrchah yaka sorkar heiyatoh wa i jhep, da chong bichaar biang ka ynnin ka 3 tarik da u Justice Sanjib Banerjee uwa man leh kam u Chief Justice wa u Justice W. Diengdoh.
Ha ka yasaaid ynnin ka sngi, neiliang ki Waheh Chnong da mynjur ki ya iwa da wanrah da ka sorkar khamtam ka Jowai Municipal Board wa i kaam da sdang i wow lai chakhmat heiwa ka Municipal da ong ko wa da krehlang ko wa waroh ki chnong wei da kyntu leh ya kiwa chong chnong wow sdang u pynkhlaad noh yei jhep yow suk u lai kit lai noh.
Neiliang ka Synjuk da pyntip ko leh wa da sdang em i kit yei jhep na ki yung ki sem.
Kamtæ neiliang ka yung bichaar da chim ko yaka rai wow chong bichaar biang yeini haka 17 tarik uni u bnai wei ka Jowai Municipal Board hap ko wow e jubab kammon iwa da pynkhreh ko wow leh pynkatni wa iwa daw leh wa yatoh ha ki snem wow wan yow lait biang u jia ini i jooh.
