Jowai: Ka seiñ FKJGP-Jaiñtia Hills hadien wa da boodien ko yei dooh tulop kiwa kreh ka Maternal Child Health and Family Welfare (MCH&FW) wa kynthup nadooh u Additional District Medical Health Officer, ki UDA, ki LDA, ki Driver, ki nurse ANM, ki Lady Health Visitor (LHV) wa kiwi kiwi kiwa da poi hadooh 168 ngut nadooh u bnai March.
Ynne ka sngi ha Jowai deilang wa kattu katni ki Nurse da yachem ki wa u ma Vincent Pala, MP yow yarap u ya ki yeini i chem chitom ki.
Ha kani ka yachem wa u MP da pynsñiaw cha oo wa neidaw wa ka MCH&FW toh ka scheme wa da wan na ka sorkar bei kamtæ waroh i yachem ki nadooh u DM&HO ka ri loom Jaiñtia, ki heh ka DHS hadooh u montri ka tnat chait i khiah u A.L. Hek toh iwa ym em mih soh.
Kamtæ da kyntu cha u ma Pala yow yarap u ya ki wei da kular u daw thoh u cha ka tnat AG wa cha u Montri ka chait ka khiah yong ka ri.
Da chim leh ka rai neiliang ka FKJGP wa lada ym ye u pynbiang ya ka tulop hapoh uni u bnai daw pynjoor i yakhih hapoh ri loom Jaiñtia wa Khasi heiwa deilang da em hadooh palat 400 kiwa ym pu em yoh tulop.
Discussion about this post