Ka High Court ka Meghalaya da chong bichaar biang ko yaka mukotduma heiyatoh wa i tih mooyong wei kit mooyong pyrchah yaka aiñ hapoh ka jylla heiwa neiliang ka sorkar jylla da e ko leh yei jubab yaka 20th Interim Report u Justice (Rtd) B.P. Katakey heiyatoh wa iyi da leh yow dai noh ya u mooyong wa da dep tih.
Ha ka hukum wa da dep pynmih haka 09-02-24 da phah wow kit ya waroh u mooyong cha ki Depots wa da jied da ka Coal India Limited wei da phah leh ya ki DC kamjooh kiwi ki bor sorkar wow e ya ki Transit Pass yow ye ki tre wow kit tangwa ki tre mooyong won ym bien ki wow leh yeini wot hadien wa da dep pynmih ya ki Public Notice.
Ki tre mooyong da ong ki wa i dor u mooyong toh iwa da hiar wei ym yoh nong de wow kit oo cha i thaw wow pynhaap oo.
Neiliang ka yung bichaar da ong ko wa emkaam wow kit ya u mooyong cha i thaw wow booh oo wei i bai booh toh su da ki tre mooyong. Hadien wa kit toh u pynemkaam da ki Drone yow tip lada dang mih biang u mooyong wa thymme uwa daw kheiñ toh uwa da tih pyrchah yaka aiñ MMDC Act.
Neiliang ka sorkar da paan por ko 45 sngi yow kit noh ya uni u mooyong iwa da mynjur ka yung bichaar kawa da phah leh yaka sorkar wow pynemkaam ko da ki stat wa katni yow pyntikna wym em de i tih mooyong pyrchah yaka aiñ.
Discussion about this post